Opor politak igaro

   Ekaina iritsi da, azken bolada honetan usaitzen genituen oporrak heldu dira dagoeneko eta desiatutako atsedenaldia gurekin daukagu. Ikasturte honetan denetik izan da: lana, ilusioa, une latzak, une alaiak, haserreak, poztasunak... Akaso komeniko litzaiguke geure buruari galdetzea nola bizi izan ditugu hau guztia.

   En junio el curso va llegando a su fin, se huelen a distancia las vacaciones de muchos que vivimos al ritmo de año escolar y se empieza a intuir el tan deseado descanso. A lo largo de estos meses ha habido de todo: trabajo, ilusión, malos ratos, “momentazos”, disgustos, enfados… Igual que evaluar las asignaturas es la práctica más frecuente en estas fechas, también es un buen momento para tomarnos el pulso a cómo hemos vivido este tiempo.

Keinua: AISIALDIAREN KANPAMENDUA

   Oso gutxi falta zaigu ikasturtea amaitzeko, berez, eskuetako hatzekin zenbatu ditzakegu bukatzeko falta zaizkigun egunak. Eta honengatik guztiak gabiltza oporretan pentsatzen eta gure planak egiten. Baino oraindik bukatu ez dugunez, azken lantxo bat egitea eskatu nahi dizuegu. Taldeetan jarriko zarete eta zuen ametsetako kanpamenduak diseinatuko dituzue. Pentsatu enpresa baten arduradunak zaretela eta zuen adinako haurrentzat udalekuak edo kanpamenduak antolatu behar dituzuela. Ze ekintzak eskainiko zenituzten? Non egingo zen? 

   Pentsatu ahalik eta udaleku erakargarrienak antolatu behar dituzuela. Horrexegatik ondo pentsatu zer aurkeztuko duzuen: ur ekintzak, sukaldaritza tailerrak, eskulanak, jolasak, kirolak, natura, abenturak… 

   Ikasleak talde txikietan jarriko ditugu (hirunaka edo launaka) eta 10-15 minutu utziko dizkiegu papertxo batean idazteko beraien udalekuen iragarkia. Keinu hau egiteko ordu osoa baduzue, idazteaz gain, agian iragarkiaren kartela egin dezakete. Bukatzean, talde bakoitzak bere proposamena aurkeztuko du eta ondoren, bozketa bat egin daiteke, aukerarik erakargarriena aukeratzeko. 

Ipuina: MUNDUKO JOLASARIK HOBERENA

   Bazen behin emakume bat unibertsitatean lan egiten zuena eta haurrei buruz asko zekiena. Bere bizitza osoa zeraman klaseak ematen eta irakasleei klaseak nola eman erakusten. Mundu osoan famatua zen, eta herrialde askotatik etortzen ziren bere klasera asko ikasteko. Halako egun batean, bere ikasleetako batek hauxe galdetu zion:

- Nik irakaslerik jatorrena izan nahi dut. Eta horrexegatik gustatuko litzaidake jakitea zein den haurrentzat ezagutzen duzun jostailurik hoberena.

   Eta andereñoak kontakizun batekin erantzun zion. 

- Ni, zu bezalako ikasle bat nintzela, munduan zehar bidaiatzen hasi nintzen haurren ohituren inguruan ahalik eta gehien ikasteko asmoz. Eta zera ikusi nuen. Gure inguruko haurrak gabonak eta urtebetetzeak iristen direnean, jostailu pilo bat eskatzen dituzte eta horietako gehienak jasotzen dituzte. Baino konturatu nintzen aste batzuk pasa eta gero, horietaz aspertzen zirela eta bazter batean uzten zituztela. Gainera, bazirudien beti asperturik zeudela. Barregarria zen; beraien logelak jostailuz gainezka, eta beraiek etxean asperturik presoak izango balira bezala. Beti zeuden triste eta gehiago lortzeko nahiarekin. 

   Baina Afrikara joan nintzenean, honen kontrakoa gertatzen zela ikusi nuen. Bertako haurrek ia jostailurik ez zituzten, baino beti zeuden zoriontsu. Arratsalde guztiak kalean ematen zuten lagunen artean jolasten. Naturan zehar ibiltzen ziren ezkutaketan, harrapaketan… Eta bertan aurkitzen zituzten traste guztiak jostailuetan bihurtzen zituzten. Lurrean aurkitzen zituzten adarrak, munduko ezpata miresgarrienetan bihurtzen ziren; bazkarietako lata hutsak, Messiren baino hobeagoak ziren golak sartzeko baloiak; zakarretan aurkitutako kartoi zaharrak, munduko gaztelurik ikusgarrienak eraikitzeko piezak. 

- Ikusten duzuenez, munduan ez dago jostailu miresgarririk. Gertatu daiteke munduko jostailurik hoberena edo garestiena izatea, baino zoriontsua ez izatea. Eta baita alderantziz ere. Beraz, nire ustez, munduko jostailurik hoberenak lagunak eta alaitasuna dira.

Gogoetarako galderak: 

- Zuri antzeko zerbait noizbait gertatu zaizu? 

- Jostailurik gabe ondo pasatzeko kapaza zara? 

- Afrikako umeen antzera jolastea gustatuko litzaizuke? 

- Dirurik gabe ondo pasatzeko zein ekintzak bururatzen zaizkizu?

Gogoeta: ATEAK ZABALDU AISIALDIARI

   Jada laister iritsiko dira oporrak. Lortu dugu beste ikasturte bat aurrera ateratzea. Egia da lan handia egin dugula eta nekatuak gaudela. Baino oraindik hiru aste hauetan hemendik egongo garenez, azkeneko balorea lantzea proposatzen dizuegu. Gainera hau, guztien gustukoa izango da. Itxi begiak eta pentsatu ikasturte honetan egindako gauza guztietan: lanak, azterketak, aurkezpenak, irteerak, muralak, ospakizunak, tailerrak… Bai, asko ikasi dugu eta gure bizitzetan pausu bat eman dugu. Zuetako batzuk zikloz pasatzen duzue, beste batzuk etapaz… Baino orain, denbora libreaz eta oporrez disfrutatzeko unea iritsi zaigu.

   Ba al duzue planik uda honetarako? Zuetatik nor doa oporretara gurasoekin? Edo nor doa udalekuetara? Badakigu beste asko hemen geratuko zaretela. Baino ez pentsa plan txarra denik. Hemen ere ekintza eta aukera asko ditugu gure denbora libreaz disfrutatzeko. Hondartza, mendia, jolasak, kirola, familia, igerilekua… guztiak onak dira gure gustukoak badira.

   Beraz, mila esker ikasturtean zehar egindako lan guztiarengatik eta oparitutako momentu guztiengatik. Batzuetan haserretu gara, besteetan zorrotzak izan gara; baino gu momentu on guztiekin geratzen gara. Gainera espero dugu gauza asko ikasi izanaz eta gustura egon izana. Asko disfrutatu azken aste hauetaz, eta zuen merezitako oporrez!!! 

- Zer da oporretan gehien egitea gustatzen zaizuna? 

- Zein kirol dituzu gustuko oporretan egiteko? 

- Zer egiten duzu atsedena hartzeko? 

- Oporretan irakurtzea, gustuko al duzu? 

- Oporretan familiarekin eta lagunekin egotea, gustuko al duzu?

Keinua: KYONDO PROIEKTUrako SOBREAK

   Hilabete honetan Santa Juanaren ospakizunak egingo ditugu, bertan elkarrekin kantatuko dugu eta dinamikak egingo ditugu. Beraz, ez dugu honi guztiari ezer gehiago gehituko. 

  Hau dela eta, pentsatu dugu hil honetako keinu xumea KYONDO proiekturako diru bilketa izatea. Aurreko astetan banatutako sobretxoak bilduko ditugu eta FISCera eramango ditugu. Dinamika honen helburu nagusia elkar laguntzearen kontzientzia piztea da. Guztion artean herri horretako ospitalea martxan jartzeko gai gara. Ea lortzen dugun denok parte hartzea proiektu polit honi laguntzeko.

LESTONNAceko JOANA 2016

Bideoa: BE HAPPY-ZORIONTSUA IZAN

Zoriontsua izan!

Erakutsi zeure burua.

Inspira zaitez.

Biktima izateari utzi.

Ondo egiten duzuna, ondo egin.

Zure lana maita ezazu.

Ikuspegi berriaz begiratu guztia.

Inguratzen zaituen horrekin jakinmina izan.

Ez gelditu bakarrik.

Maite dituzunekin bat egin.

Besteak lagundu.

Dantza egin.

Begira ezazu zeure burua.

Dantza egin ezazu.

Musika entzun ezazu.

Irakur ezazu.

Zure buruarengan sinets ezazu.

Atsegina izan zaitez.

Zeure burua besten buruekin ez konparatu.

Zoriontsua izan.

Ipuina: DIRU KUTXA

   Aberatsa eta zekena zen gizon batek, jakintsua eta matematiko handia zen beste bat kontratatu zuen egiten zuen sari handi baten truke, egiten zuen guztian errentagarritasun handiena ateratzeko. Aberatsa eta zekena zen gizon honen ametsa hau zen: Berak egindako diru-kutxa handi-handia urrez eta harribitxiz betetzea.

   Matematikoa bere laborategian egon zen sartua hilabetetan; emaitza zuelakoan uste zuenean, bere kalkuluetan erroreak aurkitzen zituen eta... berriz hasi behar. Gau batez aberatsa zen gizonaren etxean azaldu zen esanez: "Aurkitu dut! Nire kalkuluak borobilak dira". Gizon zekena bidai luze bat prestatzen ari zen eta matematikoari entzuteko denborarik ez zuenez, jakintsuari ondare guztiak utzi eta formulak erabiltzea eskatu zion soldata igoz. Matematikoak atsegin handiz hartu zuen lana.

  Hilabeteak pasa zirenean, gizon aberatsa itzuli eta ondarerik ez zeukala ikusi zuen. Haserre, matematikoari azalpenak eskatu zizkion. Matematikoak bere ondare guztiak oparitu zituela esan zion. Gizon zekenak ezin zuen sinistu entzundakoa. Matametikoak esan zion:

·        Hilabetetan errentagarritasun handiena nola lortu ikertzen aritu nintzen, baina oso mugatuta nengoen, gizon bakar batek ezin duelako gauza handirik egin. Gizon askok laguntzen bazuten ordea, horrek onura gehiago ekarriko luke, eta ez bakarrik gizon aberatsari.

   Desengainatuta eta haserre, gizon zekena etsituta joan zen handik ondarerik gabe. Burumakur eta pentsakor zihoan bitartean, jendea hurbildu zitzaion kezkatuta. Hurbildu ziren guztiak bere ondarearen puska bat jasotakoak ziren eta prestu zeuden gizon hau beren etxeetan jasotzeko eta zaintzeko.

   Egunak aurrera egin ahala, gizon zekenak matematikoak planeatutakoaren ondorioak aztertu zituen: Joaten zen edonora ohore handiarekin jasotzen zuten, eta guztiek laguntzen zioten behar zuen guztian. Horrela, ezer ez izateak asko eman ziola konturatu zen.

  Modu honetan, berriz negozio handiak sortu zituen, baina oraingo honetan, matematikoaren aholkua jarraituz. Ez zituen bere ondasunak diru kutxan pilatu, baizik eta ehundaka lagunen artean banatzen zituela. Hor baitzegoen diru kutxa handiena.

Gogoeta: ZORIONTASUNAri ATEAK ZABALDU

   Maiatzean sartu garela, ZORIONTASUNAri buruz gogoeta egitea proposatzen dizuegu. Zer da zuretzat zoriontsua izatea? Zer behar duzu zoriontsua izateko? Zer datorkizu burura? Seguruenik telebista, ordenagailua, bideo-jokoren bat, dirua… burura etorri zaizula. Hala bada, hausnartu berriro: Imajinatzen al duzu zure burua gauzez beterik egotea baina bakarrik izatea? Zerk egiten gaitu zoriontsu edo alai izatea? Norberak benetan zer gustatzen zaion pentsa dezala. Suguru klaseko lagunen artean gauza pila bat konpartitu dezakegu honen inguruan. Zerk egiten zaitu zorintsu?

   Hilabete honetan Santa Juana gogora ekarriko dugu. Santa Juanaren ametsa ikasketarik gabe zeuden neskak alaitzea izan zen. Lan izugarria egin zuen honen alde, bere ametsa egia bihurtu zen arte. Horri esker, hemen gaude gu, El Pilar Ikastetxean, ikasteko eta zoriontsu izateko asmoz. Asko ikastea inportantea da bai, baina pertsonak baloratzea eta ikasketaz gozatzea ere garrantzitsua da. Hemen lagunak ditugu, lankideak, ikasteko aukera desberdinak, irakasleak…Eta konturatzen bazara, eguneko ordu gehienak hemen egiten ditugu; beraz, zergatik “apatiko” eta gaizki egon? Goazen ba ondo pasatzera.

   Aurtengo leloak ZORIONTASUNAri buruz hitz egiten digu. Zer egin dezakedan nik zoriontsua izateko, jada, hitz egin dugu; baina, nola egin ditzaket zoriontsu nire ingurukoak? Eta ez gara ari bakarrik gure ondoan eserita daudenei buruz. Gogora ezazu Kongon, KYONDOko ospitalean ere lagunak ditugula, gure laguntza behar duten lagunak. Beraz, ez dezagun ahaztu gu zoriontsuak izateaz gain, besteak ere alai ditzakegula.

   Gogora ezazu hilabete honetako leloa: ZORIONTASUNari ATEAK ZABALDU!!!

Keinua: Barkamena

 Entzuten duten BELARRIAK

Ipuinean irakurri dugunez, belarriak bakarrik irikitzen dira mingainek gauza onak eta politak esaten dituztenean. Hau dela eta, ikasle bakoitzari belarri bat emanez edo akaso papertxo batean belarri bat marraz dezaten eskatuz, honako galdera hauek erantzun behar dute: “Zein mezuak gustuko dituzu entzutea? Noiz irikitzen dira zure belarriak?”. Bakarkako hausnarketa eta gero, talde handian konpartitu gure neska-mutilek idatzi dutena.

Bideoa: Barkamena

 BAKARRIK BARKAMENA / SÓLO EL AMOR

Bideoa

Jauna , ez utzi nire bizitza gorrotoaren menpe, erreminaren menpe, bekaizkeriaren menpe;

Maitasuna bakarrik, barkamena bakarrik, barkamena bakarrik, maitasuna bakarrik.

Jauna , ez utzi nire bizitza gorrotoaren menpe, erreminaren menpe, bekaizkeriaren menpe;

Maitasuna bakarrik, barkamena bakarrik, barkamena bakarrik, maitasuna bakarrik.

Jauna , ez utzi nire bizitza gorrotoaren menpe, erreminaren menpe, bekaizkeriaren menpe;

Maitasuna bakarrik, barkamena bakarrik, barkamena bakarrik, maitasuna bakarrik.

Señor, no dejes que mi vida la guíe el rencor, el resentimiento, la envidia;

sólo el amor, sólo el perdón, sólo el perdón, sólo el amor.

Señor, no dejes que mi vida la guíe el rencor, el resentimiento, la envidia;

sólo el amor, sólo el perdón, sólo el perdón, sólo el amor.

Señor, no dejes que mi vida la guíe el rencor, el resentimiento, la envidia;

sólo el amor, sólo el perdón, sólo el perdón, sólo el amor.

Ipuina: Barkamena

 MILA MINGAINAK

      

     Bazen behin azti gaizto bat. Herrialde bateko mila mingain lapurtu eta sorgindu zituen, euren jabeek hitz egiterakoan gauza txarrak esan zezaten. Horrela, egun bakar batzuk pasata herrialde horretan gauza txarrak besterik ez ziren esaten: “Honek hauxe egiten zuela, besteak bestea egiten zuela, hura astuna zela eta bestea baldarra…”. Egoera horretan herriladeko guztiak haserre zeuden.

       Egoera hau ikustean, bertan bizi zen Mago Handiak zerbait egitea erabaki zuen. Biztanleen belarriak sorgindu zituen horrela: Mingainak gaizki esaka hasten zirenean, belarriak indar handiz ixten ziren. Beraz, gaizki esaka aritzen zirenean gure lagunek ez zuten entzuten mingainek zertan ari ziren. Horrela hasi zen mingainen eta belarrien borroka handia, batzuk gelditu gabe kritikatuz eta besteek gorrarena eginez…

     Nork irabazi zuen gatazka? Denbora aurrera egiten zuela, sorgindutako mingainak alferrik hitz egiten zutela konturatu ziren: “Zertarako hitz egin, ez badu inor entzuten?” Eta esaten zutena aldatzen hasi ziren, ea inork entzuten zien. Horrela konturatu ziren gauza onak eta politak esaten zituztenean, belarriek adi-adi entzuten zutela. Une horretan mingainen gaineko sorginkeria bertan behera gelditu zen.

       Gaur egun, gure azti gaiztoak munduan barrena doa mingainak sorgintzen, baina Mago Handiari esker guztiok dakigu kritikak deusezteko egin behar dugun gauza bakarra belarriak ixtea da eta kritikei kaso ez egitea.

Gogoeta egiteko:

• Zure ustez, ba al daude gaizki esaka dabiltzan mingainak?
• Ipuinaren arabera, zer egin behar da mingainak gaizki esaka daudenean?
• Noiz hasten dira belarriak irikitzen eta entzuten? Zein gauza gustatuko litzaizkizuke entzutea?
• Zein erlazioa du ipuinak barkamenarekin?

Gogoeta: Barkamena

ATEAK ZABALDU BARKATZEARI

   Askotan zaila egiten zaigu barkatzea. Ez naiz ari hitz soilak esaten ditugunean: “barkatzen dizut”, baizik eta barrun-barrundik ateratzen den barkamenari buruz. Min ematen digutenean edota Iraintzen digutenean edota kale egiten digutenean ari naiz. Orduan barrundik zerbait puskatzen zaigu eta puskatu den hori konpontzeko barkamena behar da.

   Ez da erraza barkamena eskatzea, ez al duzu uste? Erraza balitz… hala ere, zaila izanik ere gozada litzateke bihotza eskuetan barkatu ahal izatea.

   Zauritzen gaituztenean gure mina baino haruntzago ez dugu ikusten. Agian, gure barruko mekanismoa izan daiteke. Horrela gaudenean konpontzen saiatu behar gara eta konpontzeko modu bat bestearengana hurbiltzea da eta, errespetuz, gauzak konpondu.

   Zitzotasunez barkatzen dugunean… Errespetuz hitz egiten dugunean… gure barrua garbitu egiten da… gure barrua konpontzen hasten da… ezinikusia eta gorrotoa alde egiten dute, eta sentsazio atseginak gure barrua betetzen dute.

   Barkatzea eta norbaitengana jotzea berriz konfidatzea esan nahi du. Ez da erraza beste masaila jartzea Jesusek egin zuen bezala. Hala ere saia gaitezen beste keinuren bat egiten gure inguruan konfidantza izateko.

   Gorrotoak, aldiz, urruntzen eta gogortzen gaitu, gure bihotza hozten eta txikitzen du. Barkamenak gehiago ematen digu: Hasteko aukera ematen digu, besteengan sinisteko aukera ematen digu.

   Barkamenak zerutik erortzen den xirimiri antzera. Bi aldiz bedeinkatua da: bedeinkatzen dio ematen dionari eta bedeinkatzen dio jasotzen duenari. William Shakespeare (1564 – 1616).

   Hau dela eta, ATEAK ZABALDU BARKATZEARI!!!

JESUS PIZTU DA / HA RESUCITADO

Keinua: Berdintasuna

Dinamika: berdintasuna lantzen

HH5-LH1

Psikomotrizitate gelara joango gara eta han ordu beteko saioa egingo dugu. Bertan jantzi/mozorro desberdinak eta aurpegiak margotzeko margoak eskainiko dizkiegu. Jarraian haur bakoitza nahi duen moduan mozorrotuko da eta aurpegia margotuko du.

Hau bukatzerakoan denen aurrean bere burua aurkeztuko du eta gainontzekoak errespetuz jokatu beharko dute.

Ekintza honen helburua sexuen araberako estereotipoak puskatzea izango litzateke eta errespetuz tratatzea.

LH2-LH3

Sexu berdintasun lantzeko fitxa bat egitea proposatzen dugu. Bertan neska eta mutil baten irudia agertzen zaigu. Aprobetxatu dezakegu gure gorputzen arteko desberdintasunak lantzeko. Hau bukatzerakoan, beraientzat arropak prestatuko ditugu kolorea emanez; inolako jarraibiderik eman gabe.

Bukatutakoan behatuko dugu zein desberdintasunak agertu diren arropen koloreetan, apaingarrietan… Eta horri buruz hitz egingo da.

Irakatsiko diegu estereotipoak ez liratekeela existitu behar, eta bakoitzak nahi duen bezala jantzi, jolastu, hitz egin… dezakeela.

LH4-5-6/ DBH

Ikasleekin betiko ipuinen inguruan hausnarketa bat egingo da. Hasteko, burura ekarriko ditugu zeintzuk ezagutzen ditugun (txanogorritxu, loti ederra, mari errauskin, edurnezuri, Hansel eta Gretel…). Ondoren, arbelean denen artean pertsonai nagusien ezaugarriak zerrendatuko ditugu (alde batean, mutilak eta bestean neskak). Konturatuko gara nola beti neskak ederrak, kantariak, ahula, etxeko andreak…diren bitartean; mutilak, ausartak, indartsuak, trebeak.. direla.

Zerrenda hau egin eta gero, ikasleak bost taldetan banatuko ditugu eta bakoitzak betiko ipuin bat aukeratuko du. Beraien lana izango da ipuin horretako pertsonai nagusien ezaugarriak elkar-trukatzea eta ipuin hori birmoldatzea; adibidez, printzi beldurti bat, printzesa indartsu eta ausart bat…

Eta bukatzeko, denen aurrean kontatuko dute, poliki-poliki estereotipoak baztertzeko. Hausnarketa moduan, ahal diegu galdetu ea pelikularen bate do ipuinen bat ezagutzen duten, non betiko rol-ak aldatuak dauden. 

Bideoa: Berdinak eta hala ere desberdinak

Aurreko asteetan landu dugun bezala, berdintasuna gure bizitza alor guztietara zabaltzea gustatuko litzaiguke. Ez bakarrik neska-mutilen artean. Baizik eta, arraza desberdinen artean, familia eredu desberdinen artean, maila sozio-ekonomiko desberdinen artean, ikasketa maila desberdinak dituzten pertsonen artean…

Hausnartzeko galderak:

-      Zer erakutsi nahi ziguten aurreko bideoek?

-      Zuek uste duzue gure inguruan egoera horiek normaltzat hartzen ditugu?

-      Norbait desberdina denean normal tratatzen dugu?

-      Zer egin dezakegu guk gure inguruan berdintasunaren alde?

Gogoeta: BERDINTASUNA

Zergatik diogu desberdinak garela?

Aurreko hilabetean landu dugun bezala, pertsona bakoitzak bere abileziak ditu. Batzuk oso onak dira matematikan, beste batzuk lagunak egiten, besteak musikan, hizkuntzekin, kiroletan… Eta egia esateko, hau aberastasun hutsa da; zeren honi esker, denen artean mundua aberasten dugu. Eta martxoan zehar, honekin oso lotuta dagoen balore bat landu nahi dugu: BERDINTASUNA.

Datorren asteartean, martxoak 8, Emakumeen eguna ospatzen dugu. Eta gure ustez oso egun garrantzitsua da hau. Duela urte batzuk emakumeek ez zituzten gizonezkoen eskubide berdinak; eta borroka handia egin zuten desberdintasun honen aurka. Eta egia da, gauza asko lortu dituztela, eta gaur egun gizonezkoek eta emakumeek eskubide berdinak dituztela. Baino mundu guztian egoera bera dago? Zuek uste duzue Afrikako edo Asiako herrialdeetan emakumeek eskubide berdinak dituztela?

Eta horrexegatik egun hau gogoratzea ezinbestekoa iruditzen zaigu. Zeren guztiaren gainetik, guztiak pertsonak gara; hau da, espezie berekoak gara. Beraz, zergatik batzuk dituzte besteek baino eskubide gehiago? Argi dago, pertsona guztiak fisikoki ezberdinak garela. Baino honek ez du esan nahi honengatik batzuk erraztasun edo zailtasun handiagoak izango dituztela.

Hausnartzeko galderak:

-      Zuen ustez, mutilak eta neskak berdinak al gara?

-      Zertan bereizten gara?

-      Ba al dago zerbait gizonek egin dezaketena eta emakumeak ez? Eta alderantziz?

-      Zergatik oraindik lanbide batzuk gizonezkoak edo emakumezkoenak direla esaten dugu? Eta jolasekin edo kirolekin berdina gertatzen da?

Keinua: IZARREN JOKUA (trebetasuna)

Neska-mutil bakoitzari IZAR bat ematen zaio (nahi izanez gero, ikasle bakoitzak izarra marraztu dezake gustuko duen kolorearekin). IZAR horretan izena idatzi eta hiru gauza idatzi behar ditu: egitea asko gustatzen zaizkion bi gauza eta etorkizunari begira ogibide bat.

Bukatu dutenean, klaseko lagunarekin izarra konpartitu eta lagunak (izena esan gabe) izarran idatzirik dagoena ozenki irakurriko du. Beste gelakideek asmatu beharko dute noren izarra den. Bukaeran izarraren jabeak azaldu dezake zerbait.

Bukaeran bilatu daiteke klasean tokiren bat non izar guztiak elkarrekin dauden.

BIDEOA: Trebetasuna

-          Iseka egiten zioten, baina kantatzen hasi zenean… /

Se burlaban, pero cuando empezó a cantar…

AROTZAREN IPUINA

Bazen behin lan asko egiten zuen arotz bat. Egun guztia pasatzen zuen bere zurdindegian altzari zoragarriak egiten. Horretarako lan tresna pila bat erabiltzen zituen eta guztiekin trebea zen. Halako egun batean, tresna guztiak mahai gainean txukun jarri eta eguna lanean eman eta gero etxera joan zen atsedena hartzera.

Zurdindegia erabat hutsik gelditu zenean, bapatean tresnak mugitzen hasi ziren eta poliki-poliko elkartzen hasi ziren bilera bat egiteko. Guztien artean mailuak hitza hartu zuen esanez:

-      Dakizuen bezala, oraindik ez dugu aukeratu gure artean zein izango den nagusia eta aginteak ematen dituena. Nik uste dut ni naizela hau egiteko egokiena.

Bileran zeuden tresnek ezetz esan zioten zarata asko egiten zuelako eta denbora guztian kolpeka ari zelako. Hala izanik, torlojuak hartu zuen hitza:

-      Ni askoz ere aproposagoa naiz lan hau egiteko, ez al duzue uste?

Bertan zeudenek ezetza eman zioten, berarekin lan egiteko buelta eta buelta asko eman behar zelako. Orduan, lixak hitza hartu zuen:

-      Nire lana oso garrantzitsua denez, nik usted ut ni izan beharko nuela gu guztion nagusia.

Hala ere, bertan bildutakoek ezetz esan zioten harremanetan zakarra zelako eta besteekin beti desadostasunak baizituen.

Azkenik, metroak ere aurkeztu zuen bere burua nagusi gisa. Baina ezetza hartu zuen ere besteak neurtzen eta neurtzen denbora pasatzen zelako, bera perfektua bailitzan.

Bapatean, zurdindegiko ateak zabaldu eta arotza sartu zen. Tresnek esandakoa entzun eta gero, harriturik erantzun zien:

-      Ez dakit zergatik haserretzen zareten, denak zarete baliagarriak eta ezinbestekoak nire lanerako. Mailua oso indartsua da. Torlojuari esker gauzak erabat elkarturik gelditzen dira. Lixak, berriz, izkin guztiak leuntzen ditu eta metroari esker gauza guztiak bat etortzen dira.

Arotza berriz joan zenean, lan tresna guztiak konturatu ziren arotzak arrazioa zuela: guztiak garrantzitsuak ziren eta guztiek elkarrekin lan eginez gero altzairu zoragarriak egin zitzaketen. Beraz guztiok gara garrantzitsuak eta elkarrekin lan eginez oso urrutira irits gaitezke.

Gogoeta: TREBETASUNAri atea zabaldu!!!

Zenbaitetan ezgauza sentitzen zara. Hainbeste gauzaren aurrean ezgauza… proiektu bat aurrera ateratzeko, problema bat ebazteko, arazo bati aurre egiteko. Zenbaitetan porrota nabaritzen duzu lanean, edota azterketa batean, edota lagunekin, edota… eta zalantzatan hasten zara. Zure ahalmena eta balioa zalantzatan jartzen duzu eta etsipen esaldiak erabiltzen dituzu: “ezin dut”; “nik ez dut balio”, “besteak hobeak dira”… Zuere burua GEZURRETAN ari da. Uste duzuna baino gehiago ahal duzu. Guztiok dugu indar handi bat gure barnean, guztiok ditugu ahalmen izugarriak gure barruan. Fruitu asko eman dezaketen gaitasunak ditugu. Ez galdu zuere ametsak eta zure bideari eutsi.

Une batez begiak itxi eta nolakoa zaren pentsa ezazu. Zer bereizten zaitu besteengandik? Zertan zara trebea? Zerekin disfrutatzen duzu? Zer daukazu besteei erakusteko? Guztiok dugu altxor bat geure barnean eta guztiok abileziak ditugu gure barruan. Trebetasun desberdinei esker gizarteak aurrera egiten du. Imajinatzen al duzu guztiok matematikatan trebeak izango vagina, vaina oso txarrak eskulanetan? Mundua zehatza eta kalkulatua izango litzateke, arte lanik gabekoa, tristea… Beraz, argi izan guztion abileziak ezin bestekoak direla eta besteekin elkarbanatu behar ditugula. Zuk ere zeure abileziak dituzu. Hortaz, guztion artean mundua kolorez betetzen dugu.

Zeure buruari galdegiozu: “Zertan naiz ona? Zein dira nire abileziak?” Zuk egiten duzun edozein gauza balio du, gauza asko baitaute: margotzen, dantzatzen, kantatzen, kirolak egiten, lagunak izaten, besteen aurrean hitz egiten, ordenagailua erabiltzen, argazkiak ateratzen, sukaldatzen, naturaz gozatzen…

Eta zu, zertan zara trebea?

Keinua: BAKEA

Asteazken honetan, urtarrilaren 27an, San Juan Plazan BAKEaren aldeko ekintza egingo dugu. Guztiok GONBIDATUTA zaudete. ANIMA ZAITEZTE!!!

Bideoa: Kelly FACTOR-X

Factor X lehiaketaren “Canting”ean gertatutakoa. Gure gizartean urritzen ari diren baloreak eta printzioak aldarrikatzen dira bertan. PAKEaren aldeko gogoeta sor dezagun bideoa erabiliz.

Evento del Casting del concurso Factor X. Nos muestra la totalidad de los valores y principios que hacen tanta falta en la humanidad actualmente (y han faltado por mucho tiempo; porque no estaríamos así si existieran). Te invito a que reflexiones y pongas tus ideas en práctica.

Gogoeta: ATEAK ZABALDU BAKEari

Urte Berri On guztioi!!! Ongi etorri eskolara!!!

Zer moduz pasa dituzue oporrak? Familia eta lagunekin ondo? Atsedena hartzeko paradarik izan al duzu? Berriz hemen aurkitzen gara gauza pila bat elkarbanatzeko eta asko ikasteko. Seguru egun hauetan Olentzeroren eta Erregeen irudi mordo bat ikusi zenituztela beren zorroak opariz Beteta. Ba…, hilabete honetan Olentzeroren edo Erregeen antzera egitea proposatzen dizuegu, zakuak opariz beteak izan beharrean, BAKEz beteak izateak.

Nolatan BAKEz beteak izatea? Gogoratzen al duzu zer ospatzen dugun urtirrelan? Bai, asmatu duzu. Hilabete honetako 30ean BAKEaren eguna ospatuko dugu. Duela 52 urte sortu zen jai hau munduko eskola guztietan bakearen alde lan eta gogoeta egiteko. Eta egun hori aukeratu zen Mahatma Gandhiren heriatzaren urteurrena delako. Berak lortu zuen India Erresuma Batutik modu baketsu batez independizatzea.

Hau dela eta, zure buruari galdegiozu: Zer da BAKEa? Ausartuko zinen definizio bat ematen. Zure egunerokotasunean bakean bizi al zara? Denon artean BAKEa lortu dezakegu eta horretarako ez dira gauza handirik egin behar. Egunero ekintza txikiak eginez, eta gure jarrera batzuk aldatuz, gure inguruan BAKEa lor dezakegu. Beraz, hilabete honetan zehar, gure ingurua giro baketsua lortzen ahaleginduko gara.

GOGOETA EGIN:

• Ezagutzen al duzu lekurik ala pertsonarik BAKEa kutsatzen dutenik?
• BAKEa kutsatzen duen persona al zara zu?
• Zein gauza txiki egin ditzakezu zure inguruan BAKEa izan dadin?
• Zer egin dezakezu gatazka dagoen tokian?

Urte Berri On!!!